噚日名人講座嘅題目雖然係悶出鳥來的「巴塞爾資本新協定」，但勝在主持大局嘅任志剛，同擔任評論嘅滙豐大班艾爾敦，妙語如珠，高手過招，令演講高潮迭起。行將退休嘅敦哥，藝高人膽大，直指實施新協定昂貴，重話今時今日銀行最大風險，莫過於面對繁複嘅監管條例，此話一出，即時博得在座同業鼓掌叫好。任總亦不示弱，笑指金管局應該冇乜點加重滙豐嘅成本，蓋香港銀行嘅牌費，久未加價。
敦哥唱歌了得，行內皆知，任總亦同佢開玩笑，話敦哥退休後，絕對有條件成為紅歌星，繼續貢獻香港。艾大班亦不忘回禮，話好多謝任總，為佢退休後嘅就業費心，但學中國人話齋，唔熟唔做，都係做番自己做開嘅工作為妙。
傳真︰2623-9278
電郵︰