話咁快就又係年廿七，國家副主席曾慶紅完成拉丁五國訪問之旅，心情鬼咁靚，話別之時，重透過傳媒同老董、特區政府及香港市民拜個早年，祝願香港市民新春愉快，認真識做。
有行家叫佢拜年就講多兩句啦，副主席就話：「不是雞年嗎？雞年大吉，聞雞就要起舞！」
副主席貴為港澳事務最高主管，睇怕都知道香港人最鍾意發財，佢老兄後來又再次補飛，同班香港傳媒講多一句，祝廣大香港同胞「恭喜發財」。
外交部駐港特派專員楊文昌噚日同民建聯見面。講開李卓人被困尼泊爾，佢話無論乜人乜政見，外交部基於人道理由都會幫手，又話香港天時地利都有，人和就要靠大家創造，希望所有黨派可以求同存異，唔好用「搞事嘅心態」對待啲「異」。乜楊文昌咁似講緊老董嘅？
（圖）曾慶紅訪問完拉丁五國，回國前喺西班牙稍作停留。
路透社
傳真︰2623-9278
電郵︰