田蕊妮在電影《瘦身》中扮演參選瘦身皇后的佳麗，以比堅尼耍太極博出位，豈料吸引變態殺手垂涎。田蕊妮拍攝前一天不敢飽肚，亦不敢飲太多水，希望上鏡身形更苗條。
由黃秋生、鄧萃雯、應采兒和田蕊妮主演的電影《瘦身》，內容講述一名「瘦身皇后選舉」的參賽者離奇遇害，飾演警員的秋生接手調查案件，他覺得其他參賽者李思蓓、田蕊妮和雷凱欣有嫌疑，但其後田蕊妮和雷凱欣亦遭殺害。
秋生對案件苦無頭緒，飾演其妻子的鄧萃雯認為兇手應該患有嚴重的精神病，不能以正規思路追查，她遂以身犯險，大膽接近兇手，希望印證自己的推斷，最終成功查出殺人兇手。
田蕊妮在戲中須着比堅尼耍太極，她日前在諾士佛階一間餐廳接受訪問時說：「劇情講我參加選美要着比堅尼，我覺得自己身材唔夠其他人勁，為咗吸引注意力，我着住比堅尼耍太極，件泳衣好少布，郁起上嚟要好大動作，我問導演可唔可以多少少布，佢一口就拒絕咗我。」
田蕊妮表示滿意自己的身材，她說：「我睇番片段，都滿意自己嘅身材，拍之前嗰晚我唔敢食嘢，又唔敢飲太多水，驚會有小肚腩。初時拍呢套戲我以為係笑片，後來先知係驚慄片，應采兒係變態殺手，我俾佢斬斷腳。有一晚喺中環街巿拍，感覺好恐怖，我惟有一直同秋生傾偈，先冇咁驚。」
採訪：楊潔雯
