向海嵐日前往西環海味街購買山珍海味，做孝順女博家人歡心。她表示以前只懂買糖果和水果送人，現在就得體很多，懂得買海味，她一有機會還會向肥姐沈殿霞請教，學習烹飪技巧，做撚手小菜冧男友。
向海嵐以前辦年貨只懂得買糖果和水果，但現在她日漸成熟，又跟男友Ian蜜運中，故當然要懂得煮幾味，因此她開始對海味有研究。
向海嵐表示農曆新年老人家最喜歡收到山珍海錯，加上送魚翅海味夠大方得體，故她日前專程往西環海味街掃貨。向海嵐說：「以前我唔識，就會求其買糖果、生果送畀人，𠵱家就識買海味、花膠、冬菇同魚翅，咁樣得體啲！」
不過懂得購買海味，當然又要懂得怎樣烹調，向海嵐知道肥姐沈殿霞最識食，故她總會找機會向對方請教，她說：「肥姐就最好客，佢成日都請人食飯，每次佢都會準備好多名貴又好食嘅魚翅、鮑魚請朋友食。
「有次肥姐請我去佢屋企食飯，啲嘢真係好好味，佢話啲魚翅浸咗成個禮拜，個湯就熬咗幾日，嗰時我先知原來食翅同鮑魚係咁講究，雖然係有少少煩，但係真係好好味。試過之後，我就決定學整翅、整鮑魚，到時有人問起自己，都有道撚手小菜見得吓人嘛。」
採訪、攝影：楊潔雯
