由韓國女星金喜善同男星權相佑主演嘅劇集《悲傷戀歌》，播映初期收視雖然未如理想，但近日已經止跌回升，喺前日播出嘅第九集講述金喜善接受恢復視力手術後，睇到權相佑嘅頸鏈忍唔住傷心痛哭。金喜善為咗演好角色，以冇化妝嘅真面目示人。此外，金喜善喺《悲》劇音樂大碟入面主唱《即使分開多次》一曲，亦受到觀眾注目。