同是二月份生日的葉璇及李詩韻昨日在將軍澳電視廣播城出席《二月星辰》活動，葉璇以性感裝赴會，而李詩韻則穿上短裙搶鏡。
情人節正是葉璇的生日，她表示當日會身在台灣出席新劇宣傳，她說：「嗰日會喺台灣宣傳《天下第一》，同一日喺香港就播映我另一套新劇《西廂奇緣》，我嘅生日願望係兩套劇喺兩岸三地都有爆燈收視。」
李詩韻則在二月二十日生辰，其父早前與債主談判時發生爭執，問她生日願望可會是希望家宅順利？她說：「我有聽過呢件事，我阿爸冇受傷，只係啲人激動咗，不過我都好理解佢哋嘅心情，希望佢哋用法律途徑解決問題，件事𠵱家已經平息，我唔想再炒起件事。」
採訪、攝影：卓美娟