黃宇詩面對父親黃霑因病去世後首個農曆新年，她坦言感到十分傷感。因為父親生前最愛水仙花，所以今年她特別學𠝹水仙球，一早在家中擺放水仙花懷念父親。
雖然今年有紅火蟻的出現，令不少年花因檢疫問題延遲來港，不過黃宇詩表示只要挑選得宜，根本不用擔心鮮花有紅火蟻的問題，日前她到旺角花墟的繽紛園藝鮮花店揀選年花時，更即場示範自製新派小花束應節。
父親黃霑去年病逝，如今面對失去父親後的首個農曆新年，宇詩坦言感到傷感，她說：「最初好唔慣，重會失眠，但係都要學習面對，阿爸最鍾意水仙花，我主持《都市閒情》嘅時候學識𠝹水仙，今年屋企一早就擺咗盆水仙，𠵱家一入屋就聞到陣花香，提醒自己農曆年就快到啦！」
而黃宇詩當日在花店挑選了風信子及牡丹紮成小花束，成本只需數十元，便製成一盆自成一格的賀年擺設，她說：「如果大家真係好擔心紅火蟻問題，可以插啲水種植物，加上香港地方細，唔係個個人屋企都擺到大型花盆，將啲小花束成一紮，好隨意咁放喺個玻璃器皿度已經好靚，不過記得將插花嘅器皿洗乾淨，啲花先可以擺耐啲，同埋啲水都冇咁易臭。」
宇詩又透露農曆新年期間會到姨母家拜年兼品嘗傳統賀年菜，她說：「未知媽咪（華娃）會唔會返嚟，以前我哋喺加拿大住，唔係咁重視農曆年，嗰段時間通常冇假放兼要考試，不過屋企一定會整一味『十樣菜』，係用冬菇絲、芽菜同豆苗等十幾樣素菜煮成嘅齋菜，可以當冷盤咁食。」
採訪：卓美娟 攝影：葉君海
