2R最近桃花甚旺，有報道指妹妹Race正與上市公司主席拍拖，姊姊Rosanne繼早前與陳冠希傳緋聞後，又傳與見習牙醫蜜運。2R日前揚言不抗拒談戀愛，對於兩位緋聞男友，二人更說：「呢個世界冇乜嘢係唔可能。」
早前有報道指二人組合2R的兩姊妹各自蜜運，家姐Rosanne早前才與陳冠希（Edison）傳緋聞，但近日卻傳她與港大校草兼牙醫系學生Derek拍拖；至於胞妹Race就與上市公司主席兼星洲天后范文芳的前男友陳靖諧譜戀曲。
2R日前在銅鑼灣接受訪問時，異口同聲表示目前與Derek和陳靖諧僅屬朋友關係，但談到發展機會，兩姊妹卻甚有保留，Rosanne說：「唔可以話冇，等如之前傳同樂仔（余文樂）、Edison，我都唔會話冇，當你喜歡時會接受。」
Race亦說：「呢個世界冇乜嘢係唔可能，但呢兩個（陳靖諧與Derek）係我哋識咗好耐嘅朋友，傳家姐同呢個又同嗰個，我日日喺佢身邊，就知啲緋聞有幾真。」
Race表示自與陳靖諧傳出緋聞後，曾與對方通過電話，她說：「呢件事對大家唔驚喜，嗰日都明知有記者跟，我唔會理。」
問到2R會否對兩位緋聞男友日久生情？Rosanne笑說：「唔知，可能下次會，我哋喺香港有幾多個朋友呀？有時同朋友食飯俾人影，我哋做呢行就預咗，但人哋會驚。唔係驚人哋怕咗我哋，係驚影響到人哋嘅私生活，真係好唔想，所以我哋都有打電話同佢哋講唔好意思。」問Race現在會否很想拍拖？她說：「冇乜所謂，有嘅我會接受。」
採訪：朱倬誼 攝影：仇志德
服裝：SistyrMoon/dada/Hysteric
場地：邀月茶館
