古巨基早前到九龍灣展貿獻唱，甚受歡迎。擔任中藥產品代言人的他透露獲贊助靈芝孢子、燕窩和花旗參等調理身體，可以在個唱舉行前進補一下，基仔更笑言假若鹿鞭有助提氣，他也會考慮食用。
古巨基早前擔任位元堂周年晚宴的表演嘉賓，不少員工擁到台前爭相跟他拍照。而位元堂老闆更揚言全力支持基仔演唱會再加場，務求他能夠與另一位代言人李克勤一樣，賺到盤滿缽滿。
基仔表示最近亦獲贊助燕窩、靈子孢子和花旗參等調理身體，他說：「我食咗呢啲食品後，真係瞓得好咗、皮膚又靚咗。」記者問他有沒有進食鹿鞭補身時，他即一臉尷尬地笑說：「點解開演唱會要食鹿鞭呢？等我問吓醫師，如果真係有助聲帶嘅話，我就會考慮食吓。」其後基仔更反問記者鹿鞭是甚麼，又謂自己只聽聞過鹿尾羓。
原來黃柏高早前亦送了一支人參給基仔，不過基仔不捨得吃，他說：「呢支人參真係太珍貴啦，我一直都唔捨得食，所以我諗住喺屋企後花園種咗佢，等支人參可以開枝散葉。」
基仔又透露臨近新年，接了不少周年晚宴的表演工作，他說：「事實上不論香港同內地，我嘅酬勞都係加咗少少，而且都接咗唔少呢類晚宴嘅job，所以我諗可以過一個肥年。」
採訪、攝影：李珮洳
