Beyond前晚在紅館演出尾場演唱會，一代搖滾班霸正式解散，三人唱罷最後一曲後，現場有近七成歌迷難過得不願離去，令家強感動落淚，阿Paul落台前則向歌迷飛吻說：「後會有期，保重呀。」
聲言今次演唱會是樂隊最後一次演出的Beyond，今後將獨立發展，前晚李蕙敏、唐寧、MaggieQ、朱孝天及朱茵等均往捧場，達明一派擔任嘉賓，全場爆滿之餘，一名熱情男歌迷更即場除衫跳舞，情緒激動，嚇得坐在他附近的李蕙敏花容失色。
Beyond三子前晚都顯得心事重重，並不時眼濕濕，成員黃家強表示要感謝家人及Beyond成員一直對他的扶持，他說：「我四張幾嘢，成日覺得自己唔懂事，Beyond分開後我會學習成長，家強要覺得自己強啲，Beyond佔咗我大半世，畀咗好多嘢我，我冇諗過散。」
而世榮則表示感謝家人及外父的支持，並說了一些緬懷黃家駒及逝世女友的說話，他又說：「好多朋友問我香港樂壇𠵱家點，我就好㷫，我對樂壇唔抱太大希望。」黃貫中（阿Paul）即說：「我都係。」世榮續說：「我做自己音樂，使乜理呢個樂壇，關我乜事？世界好大，呢幾年我去好多地方表演，有觀眾就好開心，人生求乜呀？好多人擔心Beyond搞成咁，我哋有二十年經驗，識照顧自己，我對樂壇冇信心，但對家強同阿Paul有信心，今日行過畢業禮就一齊畢業。」
三子最後合唱《總有愛》，全場觀眾齊齊站立做和平手勢，場面壯觀而感動，最後家強終於忍不住落淚，阿Paul落台前則向歌迷飛吻說：「後會有期，保重呀。」
不過，完場後約有七成觀眾不願離去，並自發地大合唱《總有愛》一曲，結果三子再度上台，全場大叫「Beyond」，有歌迷更站上欄杆，十分危險。阿Paul說：「多謝你哋二十二年咁支持，功成身退啦。」
Beyond出席慶功宴時都表示相當感動，家強說：「唔知Beyond重有冇機會以咁嘅形式出現，心情好矛盾複雜，好似辜負啲歌迷咁。」世榮則說：「大家都期待我哋encore，但唔知係幾耐嘅事。」阿Paul則謂沒有約定何時再一同演出，他又說：「家駒成日話香港只有娛樂圈冇樂壇，我要問米請返佢上嚟，話佢知𠵱家香港一樣冇樂壇。」
採訪：駱華齡
圖片：路透社
