何志平噚日出嚟回應平機會報告，不過唔知佢搞乜鬼，一開腔第一句都未講完就已經甩嘴，要同傳媒講要NG，由頭再講一次，當正自己拍緊戲咁，而咁啱得咁蹺，呢個「蝦碌鏡頭」，竟然俾有線播咗出嚟，呢次肥平真係有啲瘀囉！
官員平時講嘢通常先講廣東話，然後再用英文覆述一次，再畀記者發問。
但肥平噚日一落到嚟，唔知點解想搞搞新意思，話要先講英文，然後再講廣東話，有記者叫佢講番廣東話啦！肥平先至肯校番正個Channel。肥平就話，政府今日收到獨立調查報告啦，我哋用咗「九年」寫個報告……原來佢想講獨立委員會用咗「九個月」寫份報告至啱！
肥平知道講錯後，即刻同啲傳媒講：「對唔住，再講一次！」
傳真︰2623-9278
電郵︰