立法會議員開會時，成日天馬行空，乜都講得出，又甚少有人查看會議紀錄，睇吓有冇如實記錄，但唔知點解鄭家富突然心血來潮，翻查交通事務委員會會議紀錄，發現上次開會講司機超速扣分，佢反對政府建議將扣分由三分去到八分就如實記錄，但周梁淑怡喺會度話只要唔畀人揸車，就乜交通意外都唔會發生呢句嘢就影都冇！
阿富就梗係大興問罪之師，問為乜冇呢句說話，周太竟然話呢句係幽默說話，所以唔記錄喎！阿富就更火，問佢乜行會議員亂咁講嘢都得咩！八方真係佩服周太，咁嘅理由都諗到，咁以後立法會就唔使有會議紀錄，反正入面全部發言都好黑色幽默，好似老董話冇官商勾結，田少話照顧打工仔咁，以後立法會秘書處大可以摺埋啦！
（圖）周梁淑怡：講吓笑唔得咩！設計對白
傳真︰2623-9278
電郵︰