昨日有韓國報章報道，現年二十七歲嘅韓國靚仔元斌將會喺今年十一月二十九號正式入伍，派駐江原道102補充隊，而喺上年十一月入伍嘅男星宋承憲，亦係喺嗰度服役。不過元斌嘅經理人公司就表示，重未正式收到通知，但佢哋一定會按照通知單日期入伍服役。而元斌就希望可以喺服役之前，再拍一部電影做紀念。