楊千嬅昨日往銅鑼灣出席鑽石活動，獲贈重逾一卡的鑽石吊墜。千嬅在桃花樹下接受訪問，今日生日的她談到生日願望時表示愛情酌量便可，希望覓得男友一同譜寫浪漫的愛情故事。
楊千嬅昨日往銅鑼灣時代廣場出席「DTC閃爍動人桃花園」亮燈儀式，獲贈超過一卡、印有「forevermark」編號13129，寓意一心一意夠的鑽石吊墜。
同場有多位名模包括陳嘉容、Rosemary及李嘉慧等示範鑽飾，並有小女孩扮成小仙子在場內穿梭，場面悅目。
今天是楊千嬅三十一歲生日，昨日她在桃花樹下接受訪問，問她生日願望會否希望行個桃花運、愛情得意？她說：「呢樣嘢酌量夠啦，不過都希望遇上個浪漫嘅愛情故事嘅，你知𠵱家啲人乜嘢都兜口兜面咁直接，我以前做護士時有個追求者好鬼馬，佢將份禮物交低畀個病童畀我，我到𠵱家都好難忘。」
千嬅又表示生日前夕會與同事預早慶祝，正日則與家人吃飯，然後趕往觀賞奇洛李維斯（KeanuReeves）主演的新片《魔間行者》在港舉行的全球首映，千嬅說：「我真係好鍾意奇洛，對佢就真係一心一意夠，如果可以同佢握手就好啦。」
早前鄭中基表示已送生日禮物給千嬅，千嬅說：「未收到噃，唔使啦，有心就得啦。我反而希望Paco（黃柏高）送份大禮畀我，就係遊歐洲嘅機票加住宿加不穩定兌換率加二十日大假，如果係嘅話，我就真係忠心相隨啦。」
採訪：DebbieLum
攝影：MatthewLam
