話咁快，重有幾日就到年廿八，當然要全力將屋企打掃乾淨，等親朋戚友拜訪時唔會失禮！想大掃除時更輕鬆，事前就要買齊清潔工具幫手，咁就一定會事半功倍！今日將清潔用品分為客廳篇同廚房廁所篇，等你睇清楚每款用品的特性先入貨，可以更有系統地清潔家居喇！
記者：梁彩燕
攝影：陳陶鈞、蔡鴻雯、林栢鈞
Model：Irene
客廳去塵清潔最緊要
農曆年期間，經常會有客人到訪，客廳當然要打掃得光潔如新、一塵不染。所以專門用嚟掃塵、拖地、抹窗等工具，絕對係你的好幫手。
乾濕兩用全效拖把
思高全效拖把，抹布以高密超微細纖維製造，可以乾濕兩用。乾用時有效吸走塵垢同毛髮，濕用時無論有冇加入清潔劑，都可抹去油脂同頑固污迹，可伸縮，方便抹埋天花板及玻璃窗。
售價：$119（a）
對付頭髮塵垢
客廳家居最易鋪滿塵垢，當中最難搞的可算是頭髮。呢款激落君清潔掃，以超極細的纖維製成，可以吸附住毛髮，就算牆角櫃邊的塵垢都應付到。
售價：$58（b）
柚木雲石地板啱用
萬潔靈除塵紙拖把，新改良的柔軟凹凸表層除塵紙，專為去除柚木地板、膠地板、瓷磚、雲石，甚至天花板而設，超細纖維能吸附塵埃、頭髮和寵物毛髮。
原價：$129
特價：$79.9（a）（附送兩包除塵紙）
玻璃碎都黏住
地毯上的塵、纖維好難清理，呢款纖維卷就可以一一搞掂。只要在物件的表面碌一碌，就會黏住塵埃或毛髮，連最難搞的玻璃碎，都可以黏住唔傷手。
售價：$10（d）
三合一結構吸水極強
微力達三合一海綿拖把，由三種不同質料組合而成，中間係吸水力特強的海綿，其中一面的粗海綿能清除地面頑垢，另一面纖維布面就可以快速吸乾水份。只要將活動桿向下推，就可以輕鬆又徹底咁擠乾水份。
售價：$74.3（b）
抹玻璃最乾淨
呢款可以刮清玻璃污迹的去水刷，只要用濕布洗窗後，再用佢刮去多餘水份，就可以令玻璃窗乾淨晒。其手柄夠長，連角位和高位都輕易抹到。
售價：$10（d）
柄尖幫手挑走塵埃
雖然話大大把掃把可以一次過掃走大量塵埃垃圾，但有時面對窿罅位的細小塵垢，都會覺得束手無策。呢把手提掃把仔，其手柄的小尖端，就可以幫你挑出頑固塵埃。
售價：$10（d）
廚房去油污廁所要殺菌
即使有個強勁抽油煙機，廚房用具如微波爐、雪櫃等都會有油垢污迹；而廁所浴室因潮濕關係，易積存細菌。利用爐頭刷、潔廁刷、浴缸粉等工具幫手清潔，就乾淨晒喇！
爐頭刷刷走煤屎
講到對付爐頭污迹，唔係買支清潔劑抹就乾淨！呢款一套兩件的小工具，小鋸子可以挑出頑強鑊鐒，而以金屬絲製成的刷頭，則可以刷走爐邊污糟物，唔會刮花爐頭表面。
售價：$25（e）
微波爐抹紙
呢隻「擦擦SASSA」微波爐濕紙巾，選用特別開發的厚紙巾製成，含中性洗淨劑，可去除油污又唔會傷害皮膚，用後只需用較乾的濕布抹乾淨即可，雪櫃、焗爐都用得。
售價：$25（c）
大小海綿去煲銹
呢款SOWA金屬擦亮棉，只要加水，擦生銹迹甚至在瓷器表面洗刷，就可以輕易將煲上的污迹刷走。由一大一小的海綿組成，連細小的縫隙都洗得到。
售價：$29（a）
上彎刷頭專洗廁盆內側
廁盆的污迹實在唔容易對付，清潔廁盆內側就更加費力又麻煩。思高廁所刷的獨特外形，向上彎的刷頭就方便你用嚟清潔廁盆的內側污迹，角度同位置都遷就晒用家。
售價：$25（b）
用完即棄最衞生
思高即棄潔廁刷，唔使再加清潔劑，獨特外形專門清潔廁盆內沿周邊等難於清潔的位置。只要等佢由藍色變白色，咁就知道已經發揮效用喇，刷頭用完即棄，絕對衞生！
售價：$28（a）
去浴缸頑固污迹
浴缸容易積存平時唔多覺的皂液殘迹，所以要定期清洗，以免細菌滋生。呢款浴缸清潔粉，唔會傷害浴缸表面，清除皂液殘迹效果一流，洗浴缸從此就可以輕鬆得多！
售價：$25（e）
離子分解污垢
LION潔廁劑加入了IonFormula離子配方，有效分解污迹。將潔廁劑直接噴於廁盆同廁盆內側，只要2至3分鐘，再用刷子刷走污垢即可！亦可以用水稀釋，用嚟清潔廁板或水箱。
售價：$30（c）
售賣點：
（a）西田百貨 26941111 沙田新城市廣場3期2樓
（b）永安百貨 28521888 上環德輔道中211號
（c）崇光百貨 28338338 銅鑼灣軒尼詩道555號
（d）吉之島10元廣場 34282138 銅鑼灣京士頓街9號家居廣場1樓
（e）city'super 25062888 銅鑼灣時代廣場B1地庫