近年大行其道嘅廉價航空公司，喺亞洲開吓多一間，開吓又多一間，噚日終於有一間香港公司話會進軍呢個咁旺嘅市場。據甘泉航空總裁苗禮士講，一般廉價航空公司會以經營中短途航班往來二線城市為主，但係佢哋就會提供長途廉價航班，往返歐美等主要城市。賣點係中途不停站，重會提供簡單膳食，方便經濟旅客，收費介乎四千至五千，預計第四季正式推出服務。
甘泉背後大股東包括喺港美兩地從事物業投資嘅李卓民夫婦，另外Vtech偉易達老闆黃子欣亦係主要股東之一。苗禮士喺本港航空界打滾多年，包括創辦港龍航空及出任其首屆總裁，佢話香港人好識格價，服務一定會受歡迎，希望整體市場會因此擴大一成咁話。
傳真︰2623-9278
電郵︰