國家副主席曾慶紅前幾日話董建華管治香港要配合「天時地利人和」，估唔到老外都對呢六粒字有啲體會喎！家族四代都喺中國居住嘅富商，中電老闆米高嘉道理日前為爭取政府喺灣仔建直升機場，抓住機遇，罕有咁現身立法會，之後重同八方談及佢嘅一套「天時地利人和」論。
米高話，見到近年國內好多城市發展得好快，香港嘅競爭力正面對前所未有嘅挑戰，即係所謂「天時」喇，而香港人靈活嘅特性，以往都能夠將困難變為機遇，佢最擔心香港會停落嚟，咁就即係要發揮「地利」喇。
最後，佢重話香港其實好似一個大家庭咁，即使做仔女嘅有時會同父母有爭執，但係其實大家都係好愛個家庭。所以，香港人，不論係政客、商界，定係普羅大眾，即使有唔同意見都好，其實大家都係為咗香港好㗎啫。咦，米高都識得「和而不同」，「人和」喺佢嚟睇似乎都唔係大問題，唔知曾副主席同唔同意呢？
（圖）米高嘉道理為咗香港嘅前景，親自上立法會做游說。
傳真︰2623-9278
電郵︰