香港交易所主席李業廣前晚去君悅攞一個叫「2004傑出領袖（商業/金融組別）嘅獎」，佢話出年任期屆滿，決定退休，留番啲時間出嚟做啲公職服務。佢話如果只可以揀一樣嘅話，會揀服務公開大學，因為公開大學同傳統大學唔同，係有教無類嘅，又係可以結合高科技嘅遙距課程，「重有退休後我可以多啲時間旅行、潛水同睇書，過去三十年我miss咗好多好書，我要睇番夠本呀。」
李業廣又話一個好嘅領袖要有能力實踐計劃，有效率同下屬溝通，幾時面對挑戰都要keepcool同workhard，佢話心目中嘅真正領袖典範係邱吉爾，因為佢好有個人魅力。
（圖）李業廣（右）奪得傑出領袖獎。林德雄攝
傳真︰2623-9278
電郵︰