財政司司長唐英年噚朝一早喺韓國出席一個早餐會之後，就急急趕回香港，出席下晝嘅立法會會議，原來佢要為議員關於官商勾結嘅辯論作回應。
唐唐係首次以財司嘅身份去韓國訪問，所以當地政府同財經界非常重視，據了解，喺噚日嘅早餐會上，好多韓國商人都對CEPA好有興趣，因為佢哋都希望可以享受優惠，咁唐唐當然義不容辭，第一時間向佢哋解釋情況──只要喺香港開公司，乜嘢資金都可以。
唐唐就風塵僕僕都抵，香港猴年嘅經濟表現咁好，到咗雞年分分鐘冇晒赤字㖭！𠵱家最困擾佢嘅可能都係佢做第三屆特首行程忽然看淡，雖然有人話佢重後生可以等……不過好彩距離關鍵時刻重有時間，世事難料呀！
傳真︰2623-9278
電郵︰