韓國男星李東健會喺今個月十三號同金晶銀到東京宣傳韓劇《巴黎戀人》，重會首次同日本fans舉行聚會。今次日本方面會睇重李東健，將宣傳重點放喺佢身上。現年二十四歲嘅健仔已經被日本傳媒封為「勇樣Junior」，即係「後生版裴勇俊」，因為啲人覺得佢嘅笑容同俊哥一樣咁溫柔喎，唔知佢會唔會好似俊哥咁喺日本大紅大紫呢？