六十一歲罹患哮喘病的陳略，近日哮喘病復發入院，不幸死於肺炎。略叔去世後，遺下妻子阿梅及十二歲的智障兒子，相依為命。阿梅母子除憂慮日後生活外，現正為一筆殮葬費奔波，彷徨無助，蘋果日報慈善基金即時撥款，以解燃眉之急。
日前，記者到訪阿梅家中，坐在沙發上的十二歲強仔正在看電視，間中他亦走前來打擾記者與其母的談話，看着兒子的一舉一動，三十六歲的阿梅雙眼通紅地說：「我同佢講，爸爸過咗身，叫佢以後乖啲，佢似明、又唔明，𠵱家佢每朝早起身會喺爸爸嘅靈位前講聲早晨，之後會插支香先返學；老公走咗，剩番我哋兩仔乸，心情真係好亂……！」
其身旁在特殊學校就讀小六的強仔，向記者表示：「爸爸過咗身，爸爸好錫我。」
阿梅與從事小販的陳略，育有一名現年十二歲兒子，強仔出世後，證實患上輕度智障及自閉症，阿梅被迫辭退工作，留在家中照顧兒子。
數年前，略叔患上哮喘病，健康轉差，須長期覆診及服藥，無法工作，一家三口靠領取綜援金維生。近日，略叔哮喘病復發入院接受治療，留醫兩天後，日前因肺炎不幸病逝，終年六十一歲。
在阿梅眼中，略叔是一個「好爸爸」，病榻中的他，不時協助她打理家務，以及教導兒子溫習功課。阿梅三口貧困，難有餘錢購置禦寒衣物，她知道丈夫怕冷，曾親手編織兩件「溫暖牌」長袖冷衫予他。
「雖然我哋兩公婆冇乜錢、生活好窮，但我哋相處得好開心，先生嘅性格好隨和，就算佢身體唔舒服，都好少向我同囝囝發脾氣，有乜事大家有傾有講，一齊商量；有時佢見我睇住屋企好辛苦，會幫手做家務同教囝囝做功課。」阿梅愁眉不展地說。
阿梅夫婦在港舉目無親，連日來，她忙於為亡夫的殮葬費奔波，「我哋每月開支已經好慳，但都儲唔到錢，先生啲朋友好有心，畀咗啲帛金我，但始終人哋生活都好困難，根本幫唔到咁多，希望你哋《蘋果日報》幫手，等先生可以早日入土為安。」
阿梅雖獲社會福利署發放約一萬元殮葬津貼，惟有關津貼不包括骨灰龕、墓碑、靈位等費用，有見及此，蘋果日報慈善基金即時從「殮葬專戶」撥款一萬元，助她辦理亡夫的身後事，紓其困境。 捐款編號：C1620
暖流熱線
電話：29908688
傳真：23702192
電郵：
網址：
