Twins近日成功打低2R成為BIOTHERM化妝品代言人，昨日在記者會上，二人坦言對酬勞感滿意。而蔡卓妍（阿Sa）直認自己性格率直，經常得罪人，曾經令其母十分生氣，更在大街上掌摑她。
組合Twins近日成為全新春夏色彩系列BIOTHERM化妝品代言人，昨日在尖沙嘴海港城舉行記者招待會，早前有傳廣告商本有意找同是二人組合的2R任代言人，不過因2R獅子開大口而告吹，Twins昨日談到酬勞時直言非常滿意，並表示不知道自己是揮低2R成為代言人。
阿嬌昨日說：「有嘢做就做，有工開就開。」阿Sa則說：「我哋打工仔，有嘢就做。」Twins又在記者會上，即場為一對童年版Twins化了一個春夏新妝，之後在六款全新的唇彩中，互選一種能代表對方性格的顏色，阿嬌選了一隻透明色代表阿Sa，而阿Sa則選了螢光桃紅色代表阿嬌。
阿嬌表示覺得阿Sa為人坦率及真性情，阿Sa說：「我以前都好易得罪人，好多是非，有朋友話我性格好極端，好容易令人開心，又好容易得罪人。我知道得罪人之後，就會即刻補鑊，不過試過有次我激到阿媽喺街一巴打落我度。」
至於螢光桃紅色原來代表性格自信、積極及樂觀，阿嬌直認說：「都係，好似金紫荊今次我有『最佳女主角』提名咁，以前有人話我唔識做戲，今次我覺得吐氣揚眉。」
不過，阿嬌坦言對奪獎信心不大，她說：「我覺得張艾嘉好大機會，佢又係我偶像，第一次有提名我已經好開心。」
採訪、攝影：馮美茵
