一直以嚟，根據選舉條例，本地囚犯都冇權投票，香港社區組織協會噚日就代表囚犯向立法會申訴部申訴，要求班立法會議員出頭為佢哋爭取有投票權。
代表發言嘅社區組織協會社區幹事吳衛東同八方講，投票權係基本嘅人權，佢話英美國家已經畀囚犯以郵遞方式投票，香港嘅法例已經過時，佢話有份出席嘅立法會議員涂謹申、吳靄儀同詹培忠等都原則上贊成，佢哋重應承會拎上去立法會討論。
其中曾嘗過鐵窗滋味、自從重返議事堂後，一直都不遺餘力咁為在囚人士爭取權益嘅詹培忠更認為，當局應該考慮為三年冇犯過事嘅更生人士洗案底，減低佢哋喺就業、移民同家庭等嘅負面影響。
（圖）詹培忠（右）希望當局可以幫更生人士洗底。
傳真︰2623-9278
電郵︰