由2004年聖誕檔期，足足延續到05年新年假期，迪士尼動畫《超人特工隊》所爆發出來的宣傳攻勢可謂嘭嘭聲。不論是巴士車身、商場外牆皆可見超能家族之蹤影，可見此卡通動畫未上畫已經拍定心口同大家講「掂梗」！各式各樣的超人特工隊精品已等唔切搶先出閘同大家見面，邊款BestBuy最啱你先？
記者：何善華
攝影：楊錦文、陳偉強 模特兒：Kong、Ting&Yoyo（d8）
套戲講啲乜
曾經顯赫一時的超能先生，因拯救地球時過度虛耗庫房支出，被政府強迫參加「超人洗底計劃」，超人一家從此隱姓埋名。今時今日，超能先生已成為肥佬經紀，一家五口隱藏超能力，過着普通人的生活，但他們的「超人癮」會偶爾發作。某日，超能先生接獲神秘任務，並希望藉此重出江湖。
《超人特工隊》（TheIncredibles）
香港官方網站：www.incredibles.com.hk
香港上映日期：2月3日
由迪士尼與Pixar動畫製作公司合作的動畫電影《超人特工隊》可謂來勢洶洶，由聖誕節開始已不斷感受到鋪天蓋地的宣傳攻勢，超人魅力認真懾人。自11月初在美國開畫以來已累積超過2.36億美元（約18.4億港元），打破《海底奇兵》票房紀錄！「超人特工」一系列產品提早空降到港，一於搜括至愛將家居變身成超人特工集中營！
必買睡房用品
想自己間睡房有個特別主題，無可否認今期最熱門乃《超人特工隊》莫屬！趁套戲明日先至正式登場，今日重唔「先知先覺」掃齊一套《超人特工隊》睡房用品，提前一晚與超能先生、彈弓女俠、柏小麗等主角夢中相見。
淺藍色長攬枕
原價：$288 特價：$139（a）
《超人特工隊》淺藍色長形抱枕實乃女士們至愛，長抱枕以超人先生一家五口的人物為主題，軟綿綿可以晚晚由頭攬到落腳，枕套可更換清洗，方便簡單。
超能先生黃色咕𠱸
原價：$78 特價：$39（a）
18吋×18吋黃色咕𠱸，有多款不同造型及主角選擇，最適合放在睡床或梳化上，實用又美觀。
夜光投射燈
售價：$199（a）
備有兩款不同夜景變化的夜光投射燈，在漆黑中一按掣即出現英文字Incredibles，投射在牆上；可一整晚開啟陪伴你入睡，乾電或濕電皆可。
夜光單人床單枕被套裝
原價：$1,017 特價：$399（a）
同樣有不同主角及造型設計的床上全棉套裝，顯然是針對一眾小朋友的口味。若果閣下仍是童心未泯或長期迪士尼卡通忠實擁躉的話，今趟《超人特工隊》床上套裝另有夜光設計，熄燈後效果更閃耀。
尺寸：36"×76"床笠+19"×29"枕袋+60"×86"被袋連被芯
超能家族大時鐘
售價：$128（a）
睡房必備瑰寶之一的大時鐘，有埋超能先生一家五口整裝待發的英姿做主題，話你知重有一日佢哋就會出動啦！
家居隨身拖鞋
售價：$59（a）
橙色塑膠超人拖鞋夠晒醒神，重有柏小衝平地一聲雷的特技姿勢，去到邊型到邊，當沙灘拖鞋亦可。
出街扮靚靚做潮爆特工
出街扮超人特工，點可以唔「落重本」幫自己化妝一下呢？手袋、Cap帽、書包、Tee等必備用品，超人特工隊隨時準備候命，等待Order出發。
醒神藍黃斜孭袋
售價：$68（a）
輕便出外逛街之選，以超能先生長女柏小麗做主角，配以粉藍色及黃色配搭，感覺清新，繩索長短可任意調校。
紅書包好實用
售價：$118（a）
新一年新開始，紅色書包夠晒鴻運當頭，再配上人氣極旺的《超人特工隊》主題，書包兩旁有小袋可盛水壺雜物，單拉鏈設計，「實用空間」夠大。
魔術貼銀包
售價：$88（a）
以格仔展現不同超人特工隊的漫畫場景，外形趣致不難成為小朋友行街必備之物！魔術貼設計慳位之餘又容易擺放，小朋友夠晒用。
多色選擇公仔Tee
售價：$55一件（b）
女裝Tee特別配合彈弓女俠的特殊功能，採用彈性衣料，有粉色、幻彩或鮮豔色系等顏色選擇。而男裝Tee有五種款式，均有《超人特工隊》徽章或超能先生的至潮造型，有紅、白、藍、黃、黑等多色任揀。
黑白Cap帽夠型仔
售價：$39（b）
刻有超能家族圖案的Cap帽，配合其他服飾大可讓小朋友玩玩MixandMatch，輕輕鬆鬆配搭出全套《超人特工隊》造型裝扮，盡顯自我本色。
小朋友超人玩具天地
話明係卡通動畫，當然係以小朋友為消費對象。唔理實用與否，總之好玩逗得小朋友開開心心就已經成功，今次《超人特工隊》相信是繼《海底奇兵》後推出最多小朋友產品的一次。各位家長，小心荷包呀！
超能先生發聲公仔
售價：$279.9（d）
Q版超能家族成員，以肚臍發聲同大家傾偈，略嫌新意欠奉，惟造型活潑教人愛不釋手，小朋友一見鍾情話咁易。
一套六款3吋Figure
售價：$79.9/套（d）
一套有齊6款《超人特工隊》3吋Figure公仔，造型精靈鬼馬。
超級珍藏幻變章珍藏集
售價：$14.9（c）
即日起至3月17日，在全港吉之島或「JUSCO十元廣場」購物滿$50（以單一發票計算）免費獲贈超人特工隊「超級幻變章」一個，每張發票最多可獲贈3個幻變章，把一套24款超級幻變章存放於「超級珍藏幻變章珍藏集」內的特設版面，極具觀賞價值！
多款遊戲盒帶
售價：$299.9/GBA、$299/XBOX、$187.9/PC（d）
套戲未上畫，各式各樣的電子遊戲盒帶已急不及待「應運而生」。不論是GBA、XBOX、PC甚至是PlayStation都來湊熱鬧一番。
流線型遙控模型車
售價：$199.5（d）
一襲黑色戰車，遠看猶似蝙蝠俠御用蝙蝠戰車，原來是來自超能家族的模型戰車也！車身流線型設計，前後左右操控簡單唔易炒車，配備3粒AAA電芯。
過時過節啱用之選
農曆新年就快到，係時候要準備用品招呼親朋戚友拜訪舍下。預計新年期間《超人特工隊》的聲勢繼續澎湃熾熱，要做至潮至In嘅家族，一系列《超人特工隊》派對用品可大派用場。
好意頭八人派對用品
原價：$99.9
特價：$89.9（a）
開派對用品都要醒目過人，紙杯、紙碟、餐巾、遊戲卡、紙帽、禮物袋皆以「8」為單位，臨近新年「發發聲」絕對好意頭，同場另有四人派對及個別開Party用品選購。
吉祥語句利是封
售價：$6.8/套（a）
一套共有10封《超人特工隊》利是封，全以超能家族成員為主題，刻有金銀滿屋、學業猛進、快高長大、恭賀新禧等吉祥語句，方便對號入座派給不同親友。
售賣點
（a）LCX展銷攤檔（31023668）
地點：尖沙嘴海運大廈三樓
（b）bossini（23711633）
地點：銅鑼灣東角道26號
（c）吉之島（28846888）
地點：鰂魚涌康山道2號康怡廣場
（d）玩具反斗城（27309462）
地點：尖沙嘴海運大廈地庫OTG23號舖