資深大律師馮華健最近人氣急升，又話佢係證監會主席人選；又話將來廣管局同電訊管理局合併後，會由佢做阿頭；當然佢重係律政司司長梁愛詩嘅接班人選，你話幾受老董重用呢。
唔怪得佢哥喺領匯事件中咁搏命表現啦。不過，講你唔信，噚日八方喺法庭，見唔到馮大狀代表房委會，反而嚟咗個叫Coleman嘅大狀，唔知馮華健係咪唔得閒。
問番知情人士，佢哋話房委會已經通知咗盧少蘭哋，佢哋嘅代表律師已經換咗人，唔再係馮大狀，重好似聽到話，如有需要，會去英國物色大狀上終院。
其實特區政府請到馮華健，真係有幸，因為佢認真落力，而且盡全力而為，不過，領匯就最後都不能如期上市。
傳真︰2623-9278
電郵︰