楊千嬅和梁漢文前日在廣州舉行簽名會，有過千名巿民圍觀，其間有市民爬出四樓平台睇偶像，更有歌迷衝上台，情況混亂，原定四十五分鐘的活動只進行了十五分鐘便被迫腰斬。 記者蔡丹廣州直擊
楊千嬅和梁漢文（梁炳）前日出席在廣州新光城巿廣場舉行的簽名會，原定兩人會替一千名歌迷簽名，但由於早上排隊時情況太過混亂，最終只能替百多名歌迷簽名，而原定四十五分鐘的宣傳活動，亦因為有歌迷衝上台而縮短至只得十五分鐘，打手蠟和參觀卡拉OK房間的行程亦全部取消。
由於宣傳活動在露天廣場舉行，現場聚集了過千名圍觀者，鄰近的住宅居民亦紛紛走出三、四層樓高的平台觀看，十分危險，而大會原本安排千嬅和梁炳在活動完畢後，接受內地及香港傳媒訪問，但由於場面失控，保安要求兩人即時坐車離開。
千嬅和梁炳在台上教歌迷唱歌技巧，歌迷又送上蛋糕和生日卡給周四生日的千嬅，而梁炳則送上裝了朱古力遮仔的全盒給千嬅，寓意她繼續做樂壇一姐，千嬅聞言後即追打梁炳，並說：「唔好講埋啲咁嘅嘢呀！」
當日現場共有二百名公安和保安維持秩序，但中途有兩、三名歌迷突破防線衝上台，十多名公安迅速將歌迷驅趕落台，而活動亦被腰斬。
千嬅事後表示未能接受內地傳媒訪問感到抱歉，她會拍一些片段交予內地電台和電視台，千嬅說：「啲內地公安真係好犀利，見有少少混亂即刻驅趕fans，我知啲fans都期待咗好耐，見到咁嘅情況都有啲心痛，我知佢哋熱情，但係都要安全至上，希望下次見佢哋唔會咁混亂。」
問千嬅引起混亂可擔心被列入內地公開場合宣傳的黑名單，她說：「唔怕，因為我哋好合作，我亦唔驚混亂，因為工作人員同梁炳都喺度，有乜事梁炳會幫我頂，今次雖然去唔到參觀卡拉OK，但我會捐出一套廣州演唱會嘅歌衫擺喺佢哋嘅主題房度。」
