老董一月頭發表份施政報告，搞到二月都重係城中話題，你話幾有影響力，當然八方冇辦法明白佢老哥點解死都拒絕上電台電視，但係不斷見人去座談會，好似見人見到上咗鋪癮咁。
噚日佢又接見一班文化界代表，講佢最鍾意嘅文化創意工業，文化界包括熟口熟面嘅馬逢國等人，既然老董咁有誠意，佢哋咪爭住發表高見，講嚟講去，就係希望政府用「新思維」去處理文化事業，拆牆鬆綁啫，可惜，佢哋話，講咗咁多年，政府都冇做整合工作，真係失望。老董聽到政府冇做嘢，當堂彈起，話「冇理由嘅，應該做緊嘢㗎」，因為肥局長何志平同佢講，文委會報告書中嘅建議，可以做嘅都已經做咗，點知班文化人個個喺度儍笑，肥何遭文化人篤背脊，等住老董召見啦。
（圖）肥平只係識得笑容可掬，冇用㗎。
傳真︰2623-9278
電郵︰