立法會開會分分鐘都係錢，但係噚日就出現咗有議員提出動議之後，主席話因為唔夠時間而唔處理動議嘅荒謬事件。
八方噚日大清早爬起身去聽立法會經濟事務委員會會議，傾喺上環起直升機場嘅問題。雖然議員都贊成喺港島市中心區起一個直升機場，但係對於選址就意見不一。好多議員認為上環太過偏僻，覺得喺灣仔金紫荊廣場附近好啲，但政府又話喺灣仔起要填海，所以多數都唔得。
拗咗一大輪之後，楊孝華提出動議，叫政府盡快起直升機場，之後陳鑑林就直頭再提出另一個動議，要求政府喺灣仔起直升機場。之後又有啲議員討論動議又討論多一排，兩個動議經過幾次修訂，眼見應該可以投票之際，主席田北俊竟然以唔夠時間處理動議為由，連投票都冇做就宣布散會。八方終於明白咩叫「議而不決」、同埋浪費納稅人金錢。
傳真︰2623-9278
電郵︰