雖然升職做董事長嘅寧高寧，已去咗中國糧油食品集團北京總部返工一個禮拜，但華潤集團上下員工對呢個前老總仍依依不捨。華潤創業噚日下午喺君悅香檳吧，為佢搞咗個記者歡送會，晚上則由集團出面喺華潤大廈50樓，擺酒同佢餞別，筵開二十餘席。華創又將佢過去六年幾喺華潤內部刊物寫嘅「創業論語」文章，編成一本「寧高寧文集」送畀記者，大家當然把握機會叫佢簽名啦。寧總除咗同記者合照留念外，佢重一邊派新卡片一邊話：「去北京記得call我聚吓，講吓香港啲情況畀我知。」
唔經唔覺南下十八年，佢話感情最深仍是香港，因為香港畀到佢一個可以信賴嘅環境喎，無論講電話、做生意同開會都係。至於新公司中糧集團對佢嚟講，仍太快太新，未想通點搞，叫大家畀啲時間佢，不過，若佢將華潤啲理念帶過去，亦好自然咁話。
（圖）寧高寧（右）喺歡送會度，不斷有人搵佢喺佢本「寧高寧文集」上簽名留念。
傳真︰2623-9278
電郵︰