地產商「忽然藝術」，帶挈香港市民有機會走上國金二期七十一樓，欣賞本地藝術家作品之餘，又可以三百六十度俯瞰維港景色。事關恒基地產及香港小輪最近同拍賣行合作，搞藝術品拍賣會，收集咗九十一位本地藝術家共二百零一件，總值逾三千四百萬元嘅藝術作品，包括中西水墨畫、油畫同雕塑，連傳媒界前輩方蘇都有作品展覽。
拍賣展今日開幕，公開展覽至本月十九日，周日同公眾假期休息，然後喺十八同十九號拍賣。搞手林旭華話，今次係國金二期開張以來，首次有機會將高層開放畀公眾參觀，七十一樓遲啲就會裝修成寫字樓。恒地副主席林高演又同八方講，四叔李兆基都有興趣買番幾幅作品，但佢就唔肯講四叔有乜心水。
傳真︰2623-9278
電郵︰