日前本報報道鄧萃雯因頻推掉無綫工作而遭封殺，前日從美國登台返港的她，昨在電話中說：「我冇推過《胭脂水粉》同《翡翠偶像派》，TVB一路問緊我個期，我曾經同《胭脂水粉》監製梅小青講，我一早簽咗約去美國登台，如果佢哋就到我個期，我一定盡量做，但小青姐話嗰部係群戲，遷就唔到，我都已盡力而為。」
雯女續說：「講到《翡翠偶像派》，我唔知有自己份，係節目做之前兩三日先打電話畀我叫我拍，但個期都唔得，我都冇應承做，咁又點算推？」雯女對於不滿台慶的「女主角」獎落空才搞對抗的傳聞，她說：「希望大家唔好成日帶住成見咁去睇件事。」雯女又透露稍後會跟無綫聯絡，希望化解這場誤會。
採訪：戴彩煥