英國男星祖迪羅（JudeLaw）𠵱家事業愛情兩得意，佢同女友施安娜美娜（SiennaMiller）預計今年夏天結婚，不過兩年前佢同前妻莎迪霍絲（SadieFrost）分開嘅時候，所有人都覺得佢花心對老婆唔住，但近日就有人爆佢哋之所以離婚，原來莎迪都好大責任㗎。
據英國《世界新聞報》報道，○一年夏天祖迪羅夫婦請咗Supergrass鼓手DannyGoffey同老婆PearlLowe去佢哋間別墅作客，嗰晚大家飲到醉晒，莎迪竟然當眾表演脫衣舞，後來重除埋條底褲，坐喺Danny膝頭度，之後佢兩個就開始愛撫擁吻，當堂嚇窒祖迪羅同Pearl。跟住莎迪重提議玩換妻遊戲，最後莎迪同Danny、祖迪羅同Pearl各自入房，嗰晚之後佢哋重再玩咗幾次㖭！
原本事情已告一段落，但係之後祖迪羅成日sende-mail畀Pearl話鍾意佢，跟住兩對夫婦又再次喺Danny屋企玩換妻遊戲。後來莎迪發現祖迪羅暗中同Pearl有私情而感情破裂，最終喺○三年離婚。
此外，莎迪曾勸老友姬蒂摩絲（KateMoss）同佢新男友PeteDoherty分手，因為對方係道友，前日報章重登埋Pete上年八月吸食海洛英嘅相㖭！