由居屋轉為出租公屋的秀茂坪寶達邨，當中的達喜樓、達信樓及達佳樓，早前持續數日氣溫驟降，升降機大堂及走廊瓷磚剝落，居民投訴，已年近歲晚，管理公司仍遲遲未展開維修工程。
居於達喜樓二十二樓的吳太稱，達喜樓內多個樓層電梯大堂及走廊，瓷磚剝落已近一個月，至今未見安排維修。
「甩咗磚同危危乎嘅位，管業處就只係用啲膠條封住，用手敲啲未甩嘅，啲聲又空洞，似就甩就甩咁，搞到居民出入都提心吊膽。」
她說，自早前氣溫驟降後，瓷磚脫落情況更加劇，她擔心工程未能趕及在農曆新年前完成，「如果真係整唔切，新年時啲親戚嚟到見到，都唔好睇啦」。
負責寶達邨管理工作的富城物業管理有限公司，其管業經理葉先生稱，寶達邨共有六座屬居屋轉為公屋出租，於前年七月開始有第一批居民遷入；當中達喜樓、達佳樓及達信樓升降機大堂及走廊，於一年半前開始出現瓷磚剝落。
「今次係第三次有甩磚嘅情況出現，𠵱家係達喜樓嘅情況最嚴重」。管業處會將不穩固瓷磚拆下，以確保居民出入安全。
他稱，早前因持續數天溫度驟降，令走廊瓷磚剝落情況加劇。但因年近歲晚，故管業處及承辦商決定於農曆新年後，始動工進行維修，避免滋擾住戶。（○一二三○七○）
香港工程監督學會會員、工程監督師詹濟南指出，若施工時手工欠佳，令瓷磚與牆身間存有空位，日久便會呈鬆脫現象；當遇上天氣溫度驟降，瓷磚便會出現收縮，但牆身批盪不會收縮，兩者之間的空氣便會令磚塊跌落在地。
「施工唔好，啲磚跌落嚟係遲早嘅事，只係天氣凍催化咗，令瓷磚提早跌落嚟。如果施工時手工好，啲瓷磚黏實牆身，乜嘢天氣啲瓷磚都唔會剝落。」
服務熱線
電話：29908288
傳真：23702192
電郵：
