噚日雞年郵票發行儀式，由財經事務及庫務局局長馬時亨主禮。馬局長原來喺少年時代都有集郵，每次收到信之後，都會好小心咁用清水將信封浸透然後取出郵票，放入集郵簿。呢個習慣一直維持到大學時代，因為搬屋同埋後來出國工作先至停止。
馬局長話，其實郵票簿好似本歷史書，細細張嘅郵票往往標誌住該處嘅文化特色，亦令人回味唔同時段嘅歷史同社會片段。講講吓，佢又講番舊年成功發行六十億元五隧一橋債券，同埋二百億元政府環球債券，不過就冇發行紀念郵票，睇嚟馬局長下次應該諗吓喺呢方面留番個回憶。
（圖）馬時亨企喺財神爺隔籬，睇落又幾有財神福相喎。
傳真︰2623-9278
電郵︰