農曆新年就快到，鍾意周圍去嘅飛哥李鵬飛今年都會同太太去哈爾濱睇冰雕度歲，八方噚日去旅行社嘅茶敍，咁啱撞到李太，佢大爆飛哥怕凍，本來諗住去馬來西亞行吓，但係因為發生大海嘯，所以決定轉移陣地，去零下十幾廿度嘅哈爾濱。李太已經買定外套、手套、暖包、雪鞋……等等一大籮禦寒裝備，睇怕飛哥聽到心都暖晒。
講開旅行，個個都眉飛色舞，李太話九一年同當時做緊立法局首席議員嘅飛哥，重有林貝聿嘉同埋何承天去東非旅行，住喺山谷入面一間冇通訊設備嘅樹頂酒店，點知咁啱越南船民暴動，港督即刻急召飛哥返港商量對策，又試過去去吓南美要飛去英國見首相，正式係大忙人。除咗飛哥，今個農曆年，梁智鴻、何承天、林鉅津、鄺其志成班名人都會「把臂」遊印度，輕輕鬆鬆過新年。
（圖）李鵬飛太太（左）買定成堆衫先飛去哈爾濱度歲；身旁係飛哥老友、金怡假期董事長葉慶寧。
傳真︰2623-9278
電郵︰