上星期立法會辯論施政報告，煲呔同時間亦就政改諮詢各界意見。八方聽到一套奇特嘅歪論，由親中人士黃宜弘等喺度大聲疾呼，但就冇人理。
黃中指嘅歪論係，兩岸分開咗咁耐，由四九年到今日，大陸都從冇訂過一個統一時間表，因此香港嘅民主進程都一樣，唔應該有一個時間表，大有特區唔好叻過祖國咁嘅意思。
大陸冇兩岸統一時間表，點解同香港民主進程掛到鈎？八方真係諗極唔明。再問吓人，先知呢個論調最近喺不同場合唱得好行，咁以後香港問題咪要睇陳水扁？當年老鄧搞一國兩制，以香港做示範，希望和平統一台灣，估唔到𠵱家香港前途竟然敗在一班擦鞋仔手上，台灣簡直就喺度恥笑緊一國兩制。
傳真︰2623-9278
電郵︰