九倉好耐之前宣布在海運大廈起摩天輪，當時大家都好開心，日後又多個蒲點。但之後一直冇下文，直到最近九倉要求司法覆核地政總署拒批海運續租的決定，呢個摩天輪嘅真相終於大白。
九倉海運的租約二○一二年始期滿，使乜咁快講續租？原來佢哋話打算起摩天輪，主動要求提前傾續約，究竟係咪收到風無從得知，將來有冇摩天輪，目前亦難講，但署方以「公開競爭」的方式處理呢一幅貴重地皮，就冇官商勾結，值得支持。
八方最近同一位官員傾到九鐵個尖沙嘴西站，呢個站如果起得成，照計對市民、政府同區內業主都有利，九鐵亦得益，點解廖秀冬會唔起呢？高官搖搖頭話：佢哋要嘅條件，點只你哋知嘅咁多！咁又難怪，要照顧股東利益，點可以唔大咬啲呢。
傳真︰2623-9278
電郵︰