自從舊年十月底東鐵尖沙嘴支線開幕禮上見過九鐵前行政總裁楊啟彥後，八方有成兩個幾月冇見佢露面，細問佢身邊嘅朋友，先知佢上咗北京做換腎手術，聽講非常成功，如果冇新變化，相信下個星期可以返港，趕及回港過年。
楊官自從退下火線，身體各種病都出晒嚟，特別係個腎差唔多冇晒功能，喺香港要換就好難，甚至可以話係冇機會，所以先至喺醫生嘅安排下，上京做腎臟移植手術。
楊官當年又煙又酒，加上工作壓力，乜都散晒啦，好彩佢𠵱家無官一身輕，休息吓就應該可以打番高球，八方都祝佢早日康復。
全國人大常委曾憲梓都係返大陸換腎，都好多年啦，𠵱家佢重鬼咁大聲教訓香港人㖭。
傳真︰2623-9278
電郵︰