金管局今年嘅「卓越講座」，安排喺今個禮拜五舉行，今次佢哋請咗西班牙央行總裁JaimeCaruana做演講嘉賓，講影響深遠嘅巴塞爾新資本協定（BaselⅡ:BacktotheFuture）。滙豐大班艾爾敦擔當討論嘉賓，當然唔少得任志剛總裁呢位主人家。
Caruana在歐洲金融界好有地位。佢本來讀通訊工程，七十年代尾加入西班牙財政部搞工貿，派駐過紐約，後來轉去私人機構做金融。現時除咗係央行總裁，亦係歐洲央行GoverningCouncil成員，前年更獲委為巴塞爾銀行監督委員會主席，由佢講新資本協定，夠晒權威，業內人士萬勿錯過。
艾爾敦呢，就唔使再介紹。至於任總裁，佢去年末季大發神威，令外滙基金全年投資回報升回百分之五點七。財政司唐英年滅赤，真係多得任總唔少。雞年會唔會咁好景呢？就要問吓高人先知；順帶一提，任總係四七年出生屬豬（以往好多人當佢屬鼠），幫佢算財運時，唔好搞錯。
傳真︰2623-9278
電郵︰