自從長毛梁國雄被六萬選民選入立法會，會內會外嘅形勢有咗新變化。八方有日撞到四十五條關注組嘅大家姐吳靄儀（圖），佢話佢哋一啲都唔易做，可謂兩邊受壓。
皆因關注組全是大狀出身，專業訓練下，一般唔會太出位，於是就成日有人批評佢哋最近嘅舉動開始「長毛化」，究竟此語是褒是貶，真係有待考究。因為八方見過長毛上街，不知幾受歡迎，好多市民都爭住同佢影相。
不過，另一邊嘅支持者就叫關注組做事要有社會良心，分清黑白是非。咁又係，如果連大狀都唔敢企出嚟講真心話，香港真係冇晒希望。
所以當吳靄儀話，趙紫陽因反對六四出軍隊鎮壓而被軟禁十六年，議員點解唔可以喺議會內為佢默哀一分鐘？八方即時舉手贊成，咁就係叫做憑良心做事，班保皇黨同唯北京是命嘅所謂特區立法會議員，人民嘅眼睛係雪亮嘅。
傳真︰2623-9278
電郵︰