一轉眼，特首辦主任一職已經懸空近一個月，老董冇穿冇爛，特區政府如常運作，一樣日日俾人鬧，證明有冇林煥光冇大分別，既然特區政府成日叫窮，不如乾脆取消埋呢個位。
講真，老董只信幾個人，林生肯定唔係佢最信個批，聽講好多特首嘅嘢佢都未聽過就拍咗板，出埋街，你話幾冇癮。所以做特首辦第一個條件就係要冇性格，冇感覺（好彩唔係冇人性），呢個唔係一般人做得到，林生都可能係長期抑鬱搞成咁多情，所以你話係咪人人都怕怕。
老董話自己太忙，未有空搵主任接班人，但係好多人已經蠢蠢欲動想上位，當中包括張建宗、梁展文同埋麥清雄，個個都夠晒鐘可以退或者要退，目前好似張建宗看高一線，因為佢較後生當打，至於新聞處處長蔡瑩璧，雖然老董好錫佢，但係佢已經做到晚晚冇覺好瞓，夜麻麻重周圍打電話畀人，做埋「公公」，就更不得了。
傳真︰2623-9278
電郵︰