何韻詩昨日在九龍灣舉行簽名會時，即場捐出一百張新碟義賣，每張售價一百元，至少籌得一萬元，款項將透過樂施會捐予南亞海嘯災民。
阿詩說：「其實我哋唔好只為災難籌款，平日都要幫助世界各地嘅人。」
阿詩透露早前到歐洲為ChristianDior拍照，回程時於法國機場滯留近五小時，她說：「本來上咗機，突然成班警察上嚟數人數，然後叫晒啲人落機，好似話少咗個人，佢哋喺機場劃個位畀我哋坐，有軍人攞住機槍，又有大狼狗，好似難民營咁，又好似恐怖襲擊。」幸好只是虛驚一場，阿詩說：「我都唔介意，好過喺飛機度爆炸呀。」
阿詩又謂在倫敦逗留五日，一心往看歌劇，怎料門票要七百多港元一張，她說：「我嘈咗好耐先退錢，佢哋想蝦我一個女仔，點知遇着個癲雞乸。」