農曆新年難免要四出拜年，輩份低親戚多嘅隨時一日要走幾場㖭，所以揸車去拜年就最方便。如果唔係車主，其實租架車農曆新年用都一樣化算，去拜年去玩都咁啱使。大家族可以租8人家庭車，小家庭就可以租細房車，想威少少嘅，重可以揸番架平治、寶馬等名車去拜年，係威啲喎！
記者：馬慶武
攝影：陳陶鈞、伍慶泉
Model：偉、Yuki（StarAsia）
服裝提供：生意滔
名車款式多
Avis係國際性嘅租車公司，車款多不勝數，較大路又有派頭嘅有平治、寶馬，普通如Civic、Jazz亦有得租，另外長期租客（半年或以上）更可要求不同品牌不同車款，甚至保時捷等超級跑車Avis都會盡量安排。Avis更可以跨國租車，亞洲、歐洲、美加、澳紐、甚至中東、非洲都有租車站，就算要去外國拜年或者旅行行大運，一樣可以租車揸！
租車程序簡便
Avis
地址：銅鑼灣禮頓道93號星輝大廈地下
電話：28906988（本地租車）25766831（海外租車）
營業時間：星期一8:00am-6:00pm，星期二至五9:00am-6:00pm，星期六、日及公眾假期9:00am-4:00pm（初一、初二、初三休息，不設租車及還車服務）
網址： http://www.avis.com.hk
紅色車流動利是封
紅色夠旺夠利是，大昌行係唯一一間有紅色車租嘅租車公司，想新年紅到盡嘅人就一定要去大昌行租車喇。另一吸引之處係租客可以選擇喺不同服務中心攞車，九龍灣總部重設有24小時交收車服務，大昌行更接受新牌兼未滿21歲人士租車㖭。
大昌行（汽車租賃服務）有限公司
地址：九龍灣啓祥道20號2樓
電話：27682277
營業時間：星期一至五900:am-5:30pm，星期六900:am-1:00pm，星期日及公眾假期休息，設24小時取車服務（初一、初二、初三休息，不設租車，但可照常還車）
網址： http://www.dchml.com.hk
農曆年優惠夠抵玩
豐田租車部特別為農曆新年推出租車優惠，只要租滿一星期就可以享有優惠價，重抵過平時。不過就算以日租計，豐田嘅租車價都好化算，最平$600日租就可以租到架實用方便嘅Corolla小房車。
豐田租車部
地址：北角屈臣道2-8號海景大廈B及C座地下
電話：28801515
營業時間：星期一至六9:00am-6:00pm，星期日及公眾假期休息（初一、初二、初三休息，不設租車及還車服務）
網址： http://www.crown-motors.com
租車小貼士
1.租客年齡需滿25歲及擁有兩年或以上牌齡，若其中一項未符合要求，皆需要付更多按金（Avis直情唔接受）。如果兩項條件皆未符合，便只有大昌行接受租車，按金可高達$30,000。
2.租車前最好先打電話Book定車款及用車日期，如果想Walk-in租車，車款選擇會較少，甚或未能安排。
3.若不幸被抄牌，如只被抄車牌（即違例泊車），可於還車時連罰款單及罰款交予車行代交罰款；如連人帶車被抄牌，車行收到控告信後會翻查紀錄，再找違例司機處理。
4.每逢大時大節，預約額好快就爆滿，三間租車公司現已接受預約，想農曆新年有車用就要快喇。
5.租車按金其實係汽車保險嘅墊底費，因應車主牌齡、年齡及車款而定，由幾千到幾萬元不等，建議以信用卡付按金，因不會即時過數，簽帳單待原車歸還時便會銷毀。
6.若不幸遇上內部機件故障，應立刻致電車行查詢及要求支援，盡量避免自行處理。
7.車行會入滿油先交車畀租客，租客還車時亦要入滿油，一般只需無鉛汽油。