中國星的賀歲片《喜馬拉亞星》日前送往影視處評級時遭留難，該處要求舉行三場試映給印度人觀看，認為沒歧視成份後才發批文。不過經中國星老闆向華強炮轟一輪後，該處昨日不僅取消餘下兩場為印度人而設的試映，還發出上映批文。
中國星賀歲片《喜馬拉亞星》送交影視處審批時，由於影視處聲稱有一名印度人投訴英文片名《HimalayaSingh》中的Singh字帶有歧視成份，故該片遲遲未獲上映批文，影視處更要待前晚和昨日舉行三場試映給印度人觀看，認為沒有歧視成份後，才可簽發批文。前日中國星老闆向華強發火炮轟影視處無能幼稚，聲言要將電影基地撤出香港，影視處昨日立刻發聲明回應，指《星》片審查程序昨早已完成，列為IIA級影片上映。
聲明又指出影視處評級該片，乃根據正常程序，邀請由公眾人士擔任的電影顧問小組就該電影發表意見。影視處的承諾是會在收到送檢影片後八個工作天（即在二月一日前），通知有關電影公司的評級結果。
雖然批文已取得，但向華強太太陳嵐餘怒未消，她昨接受電話訪問時說：「影視處處長今日打過電話畀我，話批文冇問題啦！重話今次影視處係開先河，引用咗其中一條電影檢查條例，話影片要注意對種族或宗教人士可能產生嘅影響。
「個處長對影片講嘅嘢都算客氣，但佢下面班人講嘅嘢真係唔係人話，噚日（即前日）重堅持要部戲改名，又話要部戲延期上，噚日同今日都要搞試映畀印度人睇，點知今日嗰兩場唔使試都搞掂。件事我重會追究落去，我會同業界一齊要求影視處講清楚佢哋嘅機制，以前佢冇引用咁嘅條例，點解𠵱家要開先河引用？係咪以後都會用呢啲條例嚟箝制創作自由空間？此風不可長，董特首既然咁支持電影工業，咁唔該影視處下面班人唔好喺度扯佢後腿。」
