恒生噚日喺中環總行頂樓舉行咗第三年嘅「智多Kid」多元智能獎勵計劃頒獎禮，有一百個小朋友獲頒「多元智能優異獎」，聽講其中有八個，已經係二○○二年推出計劃開始就攞到獎，到今年已經連續三年，當然佢哋都大個咗，級別高咗啦。
其實香港嘅父母，真係對子女好好，好似恒生搞呢個「智多Kid」活動，今年就有約二千四百個小朋友參加獎勵計劃，咁多項活動中，有良好進步並獲發獎勵卡嘅數目，更比○二年多咗四成，可見家長幾肯帶小朋友參加多元化嘅活動，培養我哋呢班未來嘅主人翁。不過，恒生銀行總經理梁永祥同助理總經理劉順銓嘅仔女，今年就無參加，事關佢哋已經唔係「Kid」，而係「Junior」喇。
（圖）恒生銀行總經理梁永祥出席「智多Kid」嘅頒獎禮。
傳真︰2623-9278
電郵︰