天寒地凍，楊女士母子家中因為欠缺熱水爐，每天沐浴也要咬緊牙關，十分難受。「呢個冬天，囝囝已經有幾次因為沖涼冷親要睇醫生，所以我真係好想裝番部熱水爐，唔使咁辛苦。」楊女士訴說家中的苦況。
三十四歲的楊女士，為家庭主婦，與任職護衞員的丈夫育有一名六歲半兒子；近年夫妻感情轉淡，兩人現正辦理離婚手續，兒子交由楊女士撫養，母子靠綜援金生活。
楊女士月前獲房屋署恩恤分配公屋，開展新生活，惟近日廁所的一具煤氣熱水爐突然失靈。
「煤氣公司職員上門幫我檢查過，發現裏面有啲零件壞咗，加上呢部爐係十幾年前買落，換零件好貴、而且都未必配得番，職員勸我買過部新啲重化算。」
奈何楊女士無力花三千元購買一部煤氣熱水爐。「𠵱家惟有煲水沖涼，但至少要煲四轉至夠水用，夏天還可以，但冬天啲水好快凍，有時因為嫌麻煩，我兩母子都唔敢沖涼，寧願抹身。」你願意伸出援手，捐贈楊女士母子一部熱水爐嗎？
捐款編號︰C1488
暖流熱線
電話：29908688
傳真：23702192
電郵：
網址：