噚日周一嶽喺理大一個獎學金頒贈儀式做嘉賓，八方覺得奇怪，周局長𠵱家俾紅火蟻搞到周身蟻，竟然肯抽空出席呢啲場合。原來呢個價值一百萬嘅獎學金係佢一個前年過身嘅舊同事捐出嚟嘅，呢位善長係資深職業治療師鄧楊金喜，周一嶽十幾年前已經識佢，重話鄧女士當年係職業治療界嘅先鋒，對社會貢獻良多。典禮進行嗰陣，連周太都忍唔住眼濕濕，楊女士個大女鄧嘉雲更加一時感觸，淚流滿面，周一嶽即刻捉住佢隻手加以安慰。校長潘宗光重話，呢筆捐款意義重大，楊女士一家唔係有錢人，佢捐一百萬同李嘉誠捐一百萬唔同，覺得特別感動。
傳真︰2623-9278
電郵︰