農曆新年就快到，為家居大翻新之餘，千萬不要忘記為自己和囡囡扮靚靚。今次介紹的大特賣，全是中式賀年服，款式Design特別，與市面一般常見款式有所不同，大量起用今年時興的毛毛領設計，給人煥然一新的感覺。想以平到接近5折的價錢買到正貨，只得三日機會咋！
記者：梁彩燕
攝影：陳智良
Models：Bowie&Cherry（CoolFactory）
新年要做PinkLady
受女士鍾愛的粉紅色，用在新穎設計的織錦外套上，效果特別。匙羹領設計，衫邊同領位都以人造毛綑邊，圖案以紫色同金線做襯托，超靚！
小童套裝好抵買
扮小格格
呢條金黃色長袖織錦短裙仔，着起即刻變成小格格。以兔毛綑邊，撞埋紅色鈕同紅色圍邊，夠晒搶鏡！
織錦裙送埋斜孭袋
紅色織錦背心裙，繡有水仙同紅花圖案，連埋斜孭手袋一個。
$70超值套裝
一套有齊抓毛背心裙、娃娃織錦外套及小手袋。外套同手袋有梅花圖案，外套領邊更有小毛球作點綴。
夾棉套褲
織錦夾棉套褲，金色衫身再加上粉紅色蓮花，衫腳邊又有趣致的雲海圖案，勁Cutie！
可除毛毛袖
呢款夏威夷花花長袖短裙，上半身係抓毛，袖口的毛毛小袖可以拆除。怕凍親頸仔？唔怕！一套有埋毛毛頸巾，實夠暖！
女士靚款市面少見
娃娃織錦突破傳統
突破性以娃娃裝作為傳統賀年服的設計，織錦夾棉外套，厚身夠暖。繡滿咗竹葉花紋，稍為闊大的袖口設計同4粒大鈕款式，市面絕對罕見。
雙面織錦中國服
青綠＋桃紅色雙面織錦中國服，可謂是最Sharp之選，質料又薄又輕身，若想再搶眼啲，可以將袖口向外反摺，效果撞得更明顯。
夾棉外套款式新
粉紅色暗花織錦外套，兔毛企領，夾棉質料，只於領位設暗釦，款式時尚高貴！
絲綿棉衲兩面着
要數傳統又保暖的賀年服，首推絲綿棉衲！一般都要幾百蚊一件，呢件桃紅色配黑色的雙面款式，只售$300。
今年Hit爆雙面披肩
今季Hit爆的兔毛披肩，以雙面設計，另一面為織錦，夠晒有特色，肩膊及手臂都可以保暖。
混合絲綿夠晒暖
以琵琶襟設計的織錦Top，混合絲綿質料，較厚身保暖。款式極富中國色彩，彩藍色令人看起來精神奕奕！
毛毛背心窈窕淑女
這套較特別的綠色織錦背心，以銀線繡滿牡丹花圖案，夾棉質料，同時綑有兔毛邊！
Allure減價資料：
日期：1月29日至1月31日
時間：11:00am-9:00pm（星期六、日）
1:00pm-9:00pm（星期一）
地點：葵芳葵涌廣場一樓消費站1009店
電話：31141312
備註：購物滿$500可以信用卡簽帳