許冠傑（Sam）由年卅晚到大年初五會舉行六場演唱會，據知近期人氣急升的古巨基將在年卅晚擔任歌神個唱嘉賓，與阿Sam和現場逾萬觀眾同迎雞年的來臨。
許冠傑於年卅晚至年初五（下月八至十三日）假紅館舉行六場的「05歌神賀歲嘉年華」演唱會，今次除女子十二樂坊與女生宿舍擔任嘉賓之外，據知去年曾演出阿Sam個唱的古巨基將再次擔任阿Sam年卅晚個唱的嘉賓，屆時基仔會高歌一曲《快樂》，並與歌神和現場觀眾同迎雞年來臨。
其實基仔與劉德華和梁詠琪（GiGi）等，早前已為阿Sam的《歌神05祝福你》節目擔任嘉賓，基仔在節目中既與阿Sam合唱、又設計歌神利是封，故阿Sam亦送贈對方三頂豹紋帽作為禮物。至於華仔則與阿Sam齊jam《腐朽化神奇》與《浪子心聲》，Gigi就提供與阿Sam上契之片段，而該節目將於今晚八時於翡翠台播出。
女生宿舍將會演出其中五場阿Sam個唱，合唱《繼續微笑》一曲，早前阿Sam與女生宿舍拍攝《繼》曲MV，阿Sam又送贈四位成員帽子、手表及皮帶作賀年禮物。
此外，基仔昨日到商台接受訪問，他開心地表示三月的個唱，已決定加開兩場。但加開的兩場內部認購門票已額滿，問他會否再加場，他說：「未知，因為紅館之後個期係管弦樂團，但Paco（黃柏高）話咗到時有幾多期就做幾多。佢重話有朋友搵佢訂飛，但都買唔到。」
由於演唱會反應熱烈，基仔的家人亦買不到飛，他說：「起初賣飛時，我已經幫爸爸媽媽訂晒，但第二次再加訂，就真係冇辦法，佢哋都嬲嬲哋。但開心有啲好耐冇見嘅親戚都會見到面，請飲都未必會咁齊人。」
採訪：蔡丹