狄波拉稍後會與港台一起到泰國探訪，探訪團成員之一吳浩康另有工作未能出席記者會，所以由李逸朗和蔣雅文到場打氣。
拉姑表示兒子謝霆鋒新年會與謝賢返加拿大和嫲嫲度歲。而早幾天拉姑與兒子在家傾偈，霆鋒突然眼濕濕，拉姑追問為了哪個女人，司儀車淑梅細細聲說：「係咪阿菲呀？」拉姑說：「見佢彈彈吓結他喊，我咪問佢邊個女友鍾意呢首歌，原來佢話作過咁多歌，但都作唔到一首歌畀一個人。之後我就再追問嗰個係邊個，原來嗰個係我，之後我哋就相擁而哭。」
此外，李逸朗於本月二十五日生日，但是他的嫲嫲卻在二十六日的凌晨去世，令他十分傷心，李逸朗說：「當時我諗住返屋企同家人慶祝，途中收到呢個消息。我好唔開心，匿埋喺房喊、大叫同打牆。」